لاہور (خصوصی رپورٹر) سندھ جرنلسٹ نیٹ ورک کے صدر ریاض نریجو نے سندھ جرنلسٹ نیٹ ورک سے تعلق رکھنے والے پرنٹ اور الیکٹرانک میڈیا کے صحافیوں، سینئر کالم نگاروں اور رائٹرز کی طرف سے وزیر اعلیٰ پنجاب محمد شہباز شریف کو میٹرو بس سروس کے اجرا پر مبارکباد دی ہے۔ اپنے تہنیتی پیغام میں انہوں نے کہا کہ ہم وزیر اعلیٰ پنجاب محمد شہباز شریف کو عوامی سہولت کے اس شاندار منصوبے پر خراج تحسین پیش کرتے ہیں۔ عوامی فلاح و بہبود پر مبنی میٹرو بس جیسے منصوبے نہ صرف پنجاب بلکہ پورے پاکستان کے عوام کے لئے عظیم تحفہ ہیں۔