صدر نے محمد علی شاہ کو ہلال امتیاز،چار چینی شہریوں کو اعلیٰ سول اعزازات دینے کی منظوری دیدی
لاہور (اے پی پی) صدر زرداری نے وزیراعظم کی ایڈوائس پر سابق وزیر کھیل سندھ مرحوم ڈاکٹر محمد علی شاہ کو میڈیسن کے شعبہ میں شاندار خدمات کے اعتراف میں ”ہلال امتیاز“ اور چار ممتاز چینی شخصیات کو پاک چین تعلقات کے مزید استحکام اور متعلقہ شعبوں میں دونوں ممالک کے درمیان تعاون کے فروغ کے لئے شاندار خدمات کے اعتراف میں اعلیٰ سول اعزازات دینے کی منظوری دی ہے۔ لی شینگلن اور فو ینگ کو ہلال قائداعظم، سن وائیدونگ کو ستارہ پاکستان جبکہ ہو یان چی کو تمغہ پاکستان دینے کی منظوری دی گئی۔
