اسلام آباد (وقت نیوز) صدر آصف علی زرداری نے سابق مشیر کھیل سندھ ڈاکٹر محمد علی شاہ کیلئے ہلال امتیاز دینے کی منظوری دیدی۔ وقت نیوز کے مطابق صدر نے پاک چین دوستی کے حوالے سے چار چینی شہریوں کو بھی ایوارڈ دینے کی منظوری دی ہے۔ صدر نے محمد علی شاہ کو ایوارڈ گورنر سندھ اور چینی شہریوں کو وزیراعظم کی ایڈوائس پر دینے کی منظوری دی۔ چینی رہنما لی شین جلین اور مسز فونیگ کو ہلال قائداعظم اور سن وی ڈونگ کو ستارہ پاکستان اور مسز اویانکی کو تمغہ پاکستان دینے کی منظوری دی گئی۔