لاہور (سپورٹس رپورٹر) سٹیٹ بنک گورنرکپ انٹربنک کرکٹ ٹورنامنٹ کے چوتھے روز مزید پانچ میچوں کا فیصلہ ہو گیا۔ سٹیٹ بنک کراچی نے سٹیٹ بنک راولپنڈی کو ایک وکٹ سے شکست دی۔ پنجاب پراونشل کوآپریٹو بینک لاہور کی ٹیم نے یونائٹیڈ بنک کراچی کی ٹیم8وکٹوں سے شکست دے کر سیمی فائنل میں اپنی جگہ کنفرم کی۔ نیشنل بینک حیدرآباد نے عسکری بنک ملتان کو چھ وکٹوں سے ہرا کر ٹورنامنٹ میں پہلی فتح حاصل کی۔ حبیب بنک پشاور نے بنک الفلاح ملتان کی ٹیم کو چھ وکٹوں سے شکست دے کر گروپ اے میں پوائنٹس ٹیبل پر دوسری پوزیشن حاصل کی۔ سٹیٹ بنک حیدرآباد نے بنک آف خیبر پشاور کی ٹیم کو دس وکٹوں سے شکست دے کر ٹورنامنٹ میں اپنی پہلی فتح حاصل کر لی۔