لاہور + فیروزوالا (نامہ نگاران) نولکھا پولیس نے دو ٹاپ ٹین اشتہاریوں خلیل اور شکیل کو گرفتار کر کے ان کے قبضہ سے اسلحہ اور دیگر سامان برآمد کر لیا ہے۔ پولیس کے مطابق ملزمان ڈکیتی چوری اور دیگر سنگین وارداتوں میں اشتہاری تھے جبکہ ان کے دو ساتھی نواب اور سلیم موقع سے فرار ہونے میں کامیاب ہو گئے۔ ان کی گرفتاری کے لئے مختلف علاقوں میں چھاپہ مارے جا رہے ہیں۔ دریں اثناءفیروز والا سے نامہ نگار کے مطابق پولیس نے چھاپے مار کر منشیات فروشوں کے چار ڈیلرز اور چھ شراب فروخت کرنے والے دس ارکان کو گرفتار کر کے ان کے قبضہ سے لاکھوں روپے مالیت کی اعلیٰ کوالٹی کی چرس اور شراب بھاری مقدار میں برآمد کر لی۔ گرفتار ملزمان میں منشائ‘ عرفان عرف بھٹو اور عباس عرف صابی وغیرہ شامل ہیں۔