لاہور (سپورٹس رپورٹر) پنجاب یونیورسٹی کے شعبہ انسٹی ٹیوٹ آف بزنس ایڈمنسٹریشن کا سالانہ سپورٹس گالا بی بی اے ساتویں سمسٹر نے جیت لیا۔ انسٹی ٹیوٹ آف ایڈمنسٹریشن کے زیراہتمام ایک ہفتے تک جاری رہنے والی کھیلوں میں 29 ایونٹس کے مقابلے ہوئے جس میں بی بی اے سمسٹر تھری نے رنراپ پوزیشن حاصل کی۔ مرد کھلاڑیوں میں مبارک جبکہ خواتین میں آمنہ طارق بہترین اتھلیٹ قرار پائیں۔ فاتح ٹیم بی بی اے ساتویں سمسٹر کو 35 ہزار نقد کے ساتھ ساتھ ٹرافی جبکہ رنراپ ٹیم کو 25ہزار اور ٹرافی دی گئی۔