لندن (اے پی پی) امریکی ٹینس سٹار سرینا ولیمز نے ٹینس کی عالمی درجہ بندی میں وکٹوریہ آزارینکا سے پہلی پوزیشن چھین لی۔ سرینا ولیمز دنیا کی نمبر ایک عمر رسیدہ کھلاڑی بھی بن گئیں۔ انہوں نے کرس ایورٹ کا ریکارڈ بھی توڑ ڈالا، کرس ایورٹ نے 1985ءمیں 30 برس کی عمر میں عالمی نمبر ایک کھلاڑی بننے کا اعزاز حاصل کیا تھا، سرینا ولیمز رواں سال ستمبر میں 32 ویں سالگرہ منائیں گی۔ سرینا ولیمز نے اکتوبر 2010ءکے بعد پہلی مرتبہ عالمی درجہ بندی میں ٹاپ پوزیشن پر قبضہ جمایا۔