لاہور (سپورٹس رپورٹر) پاکستان ہاکی فیڈریشن کے زیراہتمام انڈر16 ٹیم کے انتخاب کے لئے پشاور کے بعد لاہور میں ٹرائلز کا آغاز ہو گیا۔ پہلے روز نیشنل ہاکی سٹیڈیم لاہور میں ہونے والے ٹرائلز میں پنجاب بھر سے 277 نوجوان کھلاڑیوں نے حصہ لیا۔ بڑی تعداد میں کھلاڑیوں کی دلچسپی دیکھتے ہوئے پاکستان ہاکی فیڈریشن نے لاہور کے مرحلہ کو 22 فروری تک جاری رہنے کا فیصلہ کیا ہے۔ سندھ اور بلوچستان کے کھلاڑیوں کےلئے اعلان کردہ شیڈول میں تبدیلی کے بعد ٹرائلز 24 اور 25 فروری کو ہونگے۔