گوجرانوالہ (نمائندہ خصوصی) پاکستان یوتھ نیشنل ریسلنگ چیمپئن شپ اور جونیئر نیشنل ریسلنگ چیمپئن شپ منعقدہ لاہور میں گوجرانوالہ کے پہلوانوں نے میدان مار لیا اور جناح ہیلتھ کلب اکھاڑہ چوہدری شبیر حسین گوجرانوالہ کے پہلوانوں نے مجموعی طور پر 8 گولڈ میڈل 8 سلور میڈل اور 4براﺅن میڈلز حاصل کئے ہیں۔ فیض الحسن نے 421کلوگرام، طلحہ بلال نے 76کلوگرام، حسنین بٹ نے 85 کلوگرام ، محمد عامر نے 63کلوگرام اور جونیئر میں محمد بلال بٹ نے 55کلوگرام، عبدالوہاب نے 60کلو گرام، عثمان زاہد بٹ نے 66کلوگرام اور عادل بٹ نے 120کلوگرام میں گولڈ میڈلز جیتے ہیں۔