لاہور (سپورٹس رپورٹر) بنک الفلاح ایبک کپ پولو ٹورنامنٹ میں کھیلے جانے والے میچ میں ماسٹر پینٹس کی ٹیم نے آرمی / کوک ٹیم کو شکست سے دوچار کر دیا۔ آرمی کی ٹیم نے بہتر اوسط پر ٹورنامنٹ کے فائنل کے لئے کوالیفائی کر لیا۔ لاہور پولو کلب میں میچ کے دوران ماسٹر پینٹس کی ٹیم نے سنسنی خیز مقابلے کے بعد آرمی/ کوک کی ٹیم کو ایک گول سے شکست دی۔ آرمی نے پانچ جبکہ ماسٹر پینٹس کی ٹیم نے چھ گول سکور کئے۔ فاتح ٹیم کی جانب سے فارن کھلاڑی گیسٹو مورے نے تین اور صوفی محمد حارث نے دو نمایاں گول سکور کئے۔ ٹورنامنٹ کا فائنل 24 فروری کو آرمی اور کالونی شوگر کی ٹیموں کے درمیان کھیلا جائیگا۔