دبئی (سپورٹس ڈیسک) چیک ریپبلک کی پیٹرا کوویٹووا نے اٹلی کی سارا ایرانی کو شکست دے کر دبئی اوپن ٹینس ٹورنامنٹ جیت لیا۔ ڈبلز مقابلوں میں بھارتی سٹار ثانیہ مرزا اور میٹک سینڈز کی جوڑی نے ٹائٹل اپنے نام کر لیا۔ پیٹرا کوویٹووا نے حریف سارا ایرانی کو فائنل میں چھ دو، ایک چھ اور چھ ایک سے شکست دیکر ٹائٹل اپنے نام کیا۔ ڈبلز مقابلوں کے فائنل میں بھارتی سٹار ثانیہ مرزا نے جوڑی دار میٹک سینڈز کے ساتھ مل کر حریف کھلاڑیوں نادیہ پیٹرووا اور سرینیوٹنک کو چھ چار، دو چھ اور دس سات سے شکست دے کر ٹائٹل اپنے نام کیا۔