لاہور( کلچر ل رپورٹر)سینئر اداکار مسعود اختر نے کہا ہے کہ حقیقت میں دیکھا جائے تو سٹیج پر کام کرنا سب سے مشکل ہے لیکن آج اسے کھیل تماشہ سمجھ لیا گیا ہے‘ سٹیج کو اپنی اصل ڈگر پر واپس لانے کےلئے اپنی بساط کے مطابق منصوبہ بندی کر رہاہوں اور اسکے لئے کچھ دوستوں کا تعاون بھی حاصل ہے ۔ ٹی وی اور فلم کی نسبت سٹیج پر کام کرنا انتہائی مشکل ہے ، دونوں شعبوں میں غلطی ہونے پر آپ اپنا سین دوبارہ عکسبند کر الیتے ہیں لیکن سٹیج پر منہ سے نکلے ہوئے الفاظ اس تیز کی مانند ہوتے ہیں جو کمان سے نکل جاتا ہے ۔