لاہور (سپیشل رپورٹر) یونیورسٹی آف ہیلتھ سائنسز لاہور نے بی ڈی ایس تھرڈ پروفیشنل کے سالانہ امتحانات کے نتائج کا اعلان کر دیا، 10 ڈینٹل کالجوں کے 431 طلبہ نے امتحان میں حصہ لیا جن میں سے 294 پاس جبکہ 121 فیل قرار پائے، کامیابی کا تناسب 70.84 فیصد رہا۔ انسٹیٹیوٹ آف ڈنٹسٹری سی ایم ایچ لاہور میڈیکل کالج لاہور کی عیشہ نجم نے 900/753 نمبر لے کر پہلی پوزیشن اور اسی کالج کی ہی فضہ طاہر نے 900/748 نمبر لیکر دوسری پوزیشن حاصل کی جبکہ تیسری پوزیشن ڈی مونٹ مورنسی کالج آف ڈنٹسٹری لاہور کی نیہا انور نے 900/739 نمبر لیکر حاصل کی۔ سپلیمنٹری امتحانات 9 اپریل سے شروع ہوں گے۔