انصار برنی نے بھارت میں 18 سال سے پھنسے سراج خان کے پاکستانی ہونے کے ثبوت وزارت خارجہ کو بھجوا دیئے
کراچی (نوائے وقت نیوز) انصار برنی نے بھارت میں 18 سالوں سے پھنسے سراج خان کے پاکستانی ہونے کے شواہد وزارت خارجہ کو بھجوا دیئے۔ سراج خان نے انصار برنی ٹرسٹ انٹرنیشنل کے تعاون سے نئی دہلی پہنچ کر پاکستانی ہائی کمشن میں پاکستانی پاسپورٹ کے حصول کےلئے درخواست دی۔ مانسہرہ کے رہائشی سراج خان نے 18 سال قبل والدین سے ناراض ہو کر گھر چھوڑا تھا اوربھارت چلا گیا تھا۔
