لاہور (کلچرل رپورٹر) ہالینڈ کے سفارتخانے نے لاہور آرٹس کونسل کے اشتراک سے ورلڈ پریس فوٹو 2012ء(نمائش) کا اہتمام کیا جس کی افتتاحی تقریب گزشتہ روز الحمرا آرٹ گیلری میں منعقد ہوئی تقریب کے مہمان خصوصی سپیکر پنجاب اسمبلی رانا اقبال تھے۔ انہوں نے نمائش کا افتتاح کرتے ہوئے کہا کہ پاکستان میں پہلی مرتبہ اس نوعیت کی نمائش ہو رہی ہے اور یہ ہالینڈ کے سفارتخانے کا بہت اہم کام ہے۔ اس موقع پر ہالینڈ کے سفیر ہوگو گاجوس شیلٹما نے کہا میں خوش قسمت ہوں کہ پاکستان میں میری تعیناتی کے دوران ایک عالمی ایونٹ ہوا۔ یاد رہے کہ اس نمائش میں دنیا بھر کے 57 فوٹوگرافروں کی 158 تصاویر رکھی گئیں ہیں۔