انٹرکالجیٹ ویمنز ہینڈبال چیمپئن شپ لاہور کالج نے جیت لی
لاہور (سپورٹس رپورٹر) انٹرکالجیٹ ویمنزہینڈ بال چیمپئن شپ لاہور کالج نے جیت لی۔ فائنل میں باغبانپورہ کالج کو چار صفر سے شکست کا سامنا کرنا پڑا۔ لاہور کالج برائے خواتین یونیورسٹی کے مین گراﺅنڈ میں کھیلے گئے انٹرکالیجٹ ویمنز ہینڈ بال چیمپئن شپ کے فائنل میں لاہور کالج نے یکطرفہ کھیل پیش کرتے ہوئے باغبانپورہ کالج کو چار صفر سے ہراکر مسلسل تیسری بار ٹائٹل اپنے نام کیا۔ چیمپئن شپ میں کنیئرڈ کالج نے تیسری جبکہ پاکستان ریلوے کالج نے چوتھی پوزیشن حاصل کی۔
