لاہور (سپورٹس رپورٹر) آرمی اتھلیٹکس چیمپئن شپ لاہور میں شروع ہوگئی ہے۔ سات روز تک جاری رہنے والے کھیلوں کے مقابلوں میں پاک فوج کی نو ٹیمیں اور فارمیشنز حصہ لے رہی ہیں جن میں رکاوٹوں والی دوڑ، میرا تھن، لانگ جمپ، ہائی جمپ، ٹرپل جمپ سمیت ڈسک تھرو اور جیولن تھرو کے مقابلے ہونگے۔ اتھلیٹکس چیمپئن شپ کے مہمان خصوصی میجر جنرل شاہد بیگ تھے جبکہ مارچ پاسٹ کی قیادت کیپٹن علیم نے کی۔ سو میٹر ریس میں محمد قمرالزمان نے پہلی، عابد علی نے دوسری جبکہ نور خان نے تیسری پوزیشن حاصل کی۔