سوات: برفانی تودہ گرنے سے 2 خواتین جاں بحق، باپ بیٹی زخمی
سوات (این این آئی) سوات کی تحصیل خوازہ خیلہ کے بالائی پہاڑی علاقے میں برفانی تودہ گرنے سے 2 خواتین جاں بحق ہوگئی جبکہ باپ بیٹی کو زخمی حالت میں نکال دیا گیا۔ پولیس ذرائع کے مطابق تحصیل خوازہ خیلہ کے بالائی علاقے فقیراکے قریب لیلونئی سے پہاڑی راستے سے پیدل جانے والے ایک ہی خاندان کے چار افراد محمد رسول، اس کی دس سالہ بیٹی شبانہ اور دو خواتین مسماة فرزانہ اور مسماة رنگ محل تودے تلے دب گئے۔
