گوجرانوالہ (نمائندہ خصوصی) خواتین کرکٹ کھیلنے والے 16 ممالک میں پاکستان رینکنگ کے لحاظ سے ساتویں نمبر پر ہے۔گوجرانوالہ کا صرف ایک صنعتکار چاہے تو لڑکیوں کی ٹیم کی سپانسرشپ کا خرچہ برداشت کرسکتا ہے۔ان خیالات کا اظہار پی سی بی ویمن ونگ کی چئیرپرسن بشریٰ اعتزاز نے انٹر ڈسٹرکٹ خواتین کرکٹ چیمپئن شپ کے فائنل پر خطاب کرتے ہوئے کیا۔ چیمپئین شپ کے فائنل میں ضلع سیالکوٹ کی ٹیم نے ضلع گوجرانوالہ کی ٹیم کو شکست دے کر چیمپئین شپ جیت لی۔ٹورنامنٹ کی بیسٹ باﺅلر کا اعزاز سیالکوٹ کی عاصمہ سکندر اور بیسٹ بیٹ ویمن کا اعزاز گوجرانوالہ کی راحیلہ رحمت نے حاصل کیا۔