اسلام آباد (سپیشل رپورٹ) پاکستان میں سعودی عرب کے سفیر محمد ابراہیم عبدالعزیز الغدیر نے کہا ہے کہ سعودی عرب پاکستان کا سب سے قریبی دوست ہے اس نے ہر مشکل گھڑی میں پاکستان کا ساتھ دیا اور ہمیشہ پاکستان کے ساتھ کھڑا رہے گا گزشتہ روز یہاں اسلامک ریلیف سنٹر میں ڈیرہ غازی خان سمیت دوسرے علاقوں میں بارش سے متاثرہ پاکستانی شہریوں کے لئے امدادی سامان بھیجنے کی تقریب سے خطاب کرتے ہوئے انہوں نے کہا کہ بعض عناصر سعودی عرب کے بارے میں منفی تاثر پیدا کررہے ہیں۔میڈیا کو ایسے عناصر سے خبردار رہنا چاہئے اسلامک ریلیف سنٹر سے بارش سے متاثرہ افراد کے لئے ڈیڑھ کروڑ روپے مالیت کا سامان بھیجا گیا جس میں کمبل اور کھانے پینے کا سامان شامل تھا۔