جوہانسبرگ (بی بی سی) جنوبی افریقہ میں ایک ٹیکسی ڈرائیور کو پولیس وین کے ساتھ ہتھکڑیاں باندھ کرگھسیٹنے کے واقعے میں ملوث آٹھ پولیس اہلکاروں کو گرفتارکر لیاگیا ہے، ڈرائیور کو پولیس وین کے ساتھ ہتھکڑیاں باندھ کر جوہانسبرگ کی سڑکوں میں گھسیٹا گیا تھا ،پولیس کی حراست میں ہلاک ہو گیا۔ ایک شخص نے اس واقعے کی ویڈیو بنائی تھا اور اس ویڈیو کو نیشنل میڈیا پر بھی دکھایا گیا ہے۔ صدر جیکب زوما اس واقعے کو خوفناک اور ناقابل قبول قرار دے چکے ہیں جبکہ ایمنسٹی انٹرنیشنل کا کہنا ہے کہ جنوبی افریقہ کی پولیس کی جانب سے پُرتشدد طریقے اختیار کرنے میں اضافہ ہو رہا ہے۔