اسلام آباد (نوائے وقت نیوز) مرکزی سیکرٹری اطلاعات مسلم لیگ (ن) مشاہد اللہ نے کہا ہے کہ پیپلزپارٹی اور قمر زمان کائرہ بوکھلا چکے ہیں۔ کائرہ کے بیان کے جواب میں انہوں نے کہا کہ انتخابات قریب آنے پر قمر زمان کائرہ اور ان کے اتحادیوں کی مایوسی بڑھتی جا رہی ہے۔ میڈیا سے گفتگو کرتے ہوئے انہوں نے کہاکہ سب جانتے نہیں کس نے کالے قانون این آر او کے ذریعے اپنے جرائم اور گناہ بخشوائے۔ کائرہ صاحب بتائیں بی بی کے قاتلوں کو سامنے لانے میں کون سا خفیہ معاہدہ روک رہا ہے۔