دوسرا بے نظیر بھٹو شہید ویمن کرکٹ ٹورنامنٹ آج سے شروع ہوگا
لاہور(سپورٹس رپورٹر) دوسرے شہید محترمہ بے نظیر بھٹو ویمن کرکٹ چیلنج ٹرافی ٹی ٹونٹی ٹورنامنٹ کا آغاز آج سے قذافی سٹیدیم لاہور میں شروع ہوگا۔ افتتاح روز دو میچ کھیلے جائیں گے جس میں پنجاب اور سندھ کی ٹیموں کے درمیان ہوگا یہ میچ صبح ساڑھے نو بجے شروع ہوگا۔ دوسرا میچ زرعی ترقیاتی بنک اور فیڈرل کیپیٹل ٹیم کے درمیان ہوگا یہ میچ دن ڈیڑھ بجے شروع ہوگا۔ گذشتہ روز ٹورنامنٹ میں شریک تمام ٹیموں نے نیشنل کرکٹ اکیڈمی میں پریکٹس سیشن میں حصہ لیا جس میں ویمن کھلاڑیوں نے اپنے کوچنگ سٹاف کی موجودگی میں اچھی نیٹ پریکٹس مکمل کی۔
