لاہور (سپورٹس رپورٹر) پاکستان کرکٹ بورڈ ویمن ونگ کے زیراہتمام دوسری بینظیر بھٹو ویمن چیلنج کرکٹ ٹرافی شروع ہو گئی۔ ابتدائی روز مےچز مےں پنجاب اور زیڈ ٹی بی ایل نے میچ جیت لئے۔ قذافی سٹیڈیم میں پہلے میچ کے دوران پنجاب نے سندھ کیخلاف چوبیس رنز سے کامیابی حاصل کی، پنجاب نے پہلے کھیلتے ہوئے مقررہ بیس اوورز میں دو وکٹوں کے نقصان پر 126 رنز بنائے، کپتان مرینہ اقبال نے 53 اور عائشہ قاضی نے33 رنز کی اننگز کھیلی۔ پنجاب کی مرینہ اقبال کوویمن آف دی میچ قرار دیا گیا۔ دوسرے میچ میں زیڈ ٹی بی ایل نے فیڈرل کیپیٹل کیخلاف نو وکٹوں سے کامیابی حاصل کی۔ ندا ڈار کو بہترین باﺅلنگ پر ویمن آف دی میچ قرار دیا گیا۔