لاہور (سپورٹس رپورٹر) یوتھ فیسٹیول مقابلے گزشتہ روز بھی جاری رہے ‘ پنجاب بھر سے کھلاڑیوں نے شرکت کی۔ جوہر ٹا¶ن میں ٹیبل ٹینس مقابلہ میں لاہور پریس کلب کی ٹیم نے فیصل آباد کیخلاف 3-0 سے کلین سویپ کیا۔ ملتان نے راولپنڈی پریس کلب کو 3-2 سے ہرا کر فائنل میں رسائی حاصل کر لی۔ شعبہ جات، بار ایسوسی ایشنز اور کارپوریٹ اداروں کے مقابلے آج ہونگے۔ لاہور اور ملتان پریس کلب کے مابین کرکٹ میچ کھیلا گیا ۔ لاہور پریس کلب نے 8 اوورز میں 95 رنز بنائے۔ ملتان پریس کلب کی ٹیم نے ہدف ایک وکٹ پر حاصل کرکے سیمی فائنل میں جگہ بنا لی۔ بیڈمنٹن مقابلوں میں ہائر ایجوکیشن موٹروے پولیس کو ہراکر فائنل میںپہنچ گئی۔ پریس کلب کیٹگری میں ساہیوال نے راولپنڈی کو ہرا کر سیمی فائنل میں رسائی حاصل کر لی۔ بار ایسوسی ایشن کے مابین مقابلوں میں ساہیوال نے فیصل آباد کو ہرا یا جبکہ لاہور بار نے راولپنڈی کو شکست دے دی۔