لاہور (سپورٹس رپورٹر) دوسری بینظیر بھٹو شہید ویمن چیلنج ٹرافی کرکٹ ٹورنامنٹ کا فائنل آج زرعی ترقیاتی بنک اور پنجاب کی ٹیموں کے درمیان کھیلا جائیگا۔ آخری دو لیگ میچ کھیلے گئے جن میں بلوچستان اور فیڈرل کیپٹل ٹیموں نے اپنے اپنے میچز جیت لئے جبکہ پنجاب کی ٹیم نے شکست کے باوجود بہتر رن ریٹ پر فائنل کے لئے کوالیفائی کر لیا۔ بلوچستان ٹیم نے 7 وکٹوں پر 102 رنز بنائے۔ ناہیدہ خان نے 52 رنز بنائے۔ 108 رنز کے ہدف کے تعاقب میں پنجاب کی ٹیم مقررہ 20 اوورز میں 5 وکٹوں پر 94 رنز بنا سکی۔ صباحت رشید اور شمائلہ قریشی نے دو دو کھلاڑیوں کو آ¶ٹ کیا۔ خیبر پی کے 67 کے سکور پر ڈھیر ہو گئی۔ بابرالنسا نے 17 رنز سکور کئے۔ نائلہ نذیر نے چار کھلاڑیوں کو آ¶ٹ کیا۔ 68 رنز کا ہدف اسلام آباد کی ٹیم نے ایک وکٹ پر پورا کر کے میچ 9 وکٹوں سے جیت لیا۔ نائلہ نذیر کو میچ کی بہترین کھلاڑی قرار دیا گیا۔