اسلام آباد (اے پی پی) پاکستان جوڈو فیڈریشن نے سیکورٹی کی وجہ سے کراچی میں رواں ماہ ہونے والے تین ایونٹس دوسرے شہر میں منتقل کرنے کا فیصلہ کر لیا۔ پاکستان جوڈو فیڈریشن کے سیکرٹری مسعود احمد خان نے بتایا کہ 22 ویں سینئر نیشنل جوڈو چیمپئن شپ 23 سے 24 مارچ، تھرڈ جونیئر نیشنل جوڈواور فورتھ بین الصوبائی جوڈو چیمپئن شپ 21 سے 24 مارچ تک منعقد ہو رہی ہے۔ انہوں نے کہا کہ فیڈریشن نے کراچی میں سیکورٹی کی صورتحال کی وجہ سے تینوں ایونٹس کراچی سے اسلام آباد یا پشاور منتقل کرنے کا فیصلہ کر لیا ہے۔ انہوں نے کہا کہ تینوں ایونٹس کی تیاری کلئے 12 یونٹس نے تربیتی کیمپ لگائے ہیں اور یونٹس کیلئے بھرپور محنت کر رہے ہیں۔ سیکرٹری نے کہاکہ چیمپئن شپ میں شاندار کارکردگی دکھانے والے کھلاڑیوں کو قومی کیمپ کیلئے مدعو کیا جائے گا۔