لاہور (آن لائن) سکیورٹی کے خراب حالات کے پیش نظر سری لنکا نے اپنی تھرو بال ٹیم کو پاکستان بھیجنے سے صاف انکار کر دیا ہے۔ رپورٹس کے مطابق سری لنکا کی سولہ رکنی ٹیم کو بیس مارچ کو پاکستان آنا تھا۔ سری لنکا کے انکار کے بعد نیشنل تھرو بال چیمپئن شپ ملتوی کر دی گئی۔ پاکستان اور سری لنکا کے مابین تین میچوں کی سیریز 23 مارچ سے ہونا تھی۔ سری لنکن تھروبال ایسوسی ایشن کا کہنا تھا کہ کھلاڑیوں کی جان کو خطرہ ہے لہٰذا اپنے کھلاڑی پاکستان نہیں بھیج سکتے۔سیریز ملتوی کر دی گئی۔