لاہور (آئی اےن پی) سابق ٹیسٹ کرکٹر سرفراز نواز نے کہاہے کہ چیئر مین پی سی بی ذکا اشرف چوہدری کھلاڑیوں کو لڑانے کے ماہر ہیں ، حفیظ اور مصباح کے درمیان تنازعے میں بھی ان کا ہاتھ ہو سکتاہے ، ٹیم میں کئی گروپ بنے ہوئے ہیں ،جب ٹیم کی سلیکشن ہو رہی تھی اس وقت مصباح ،حفیظ اور وٹمور اپنی پسند چاہتے تھے ، جب ٹیم ساﺅتھ افریقہ گئی تو وہاں دو نئے فاسٹ باﺅلرز بلا لیے گئے ۔ اپنے ایک ٹی وی انٹرویو میں سرفراز نواز نے کہاکہ مصباح اور حفیظ کے درمیان لڑائی ابھی کی نہیں بلکہ یہ پاکستان میں شروع ہوئی تھی جب ٹیم کی سلیکشن ہو رہی تھی اس وقت مصباح ،حفیظ اور وٹمور اپنی پسند چاہتے تھے۔