لاہور (خصوصی رپورٹر) سابق وزیراعلیٰ سندھ اور مسلم لیگ ہم خیال کے صدر ارباب غلام رحیم کی وطن واپسی کے حوالے سے معلوم ہوا ہے کہ انہوں نے مختلف فضائی کمپنیوں کی دبئی سے لاہور کیلئے ٹکٹیں محفوظ کرا رکھی ہیں تاہم انہوں نے فی الحال پارٹی عہدیداران کو انپے دورہ لاہور کا شیڈول نہیں بتایا۔ پارٹی ذرائع کے مطابق جب تک ارباب غلام رحیم لاہور کے لئے جہاز میں سوار نہیں ہوتے ان کی وطن واپسی کے حوالے سے حتمی طور پر کچھ نہیں کہا جا سکتا۔ ارباب غلام رحیم اپنے قیام لاہور کے دوران میاں نوازشریف، شہبازشریف سے ان کے بھائی کی وفات پر اظہار تعزیت کے علاوہ اپنے کارکنوں سے ملاقاتیں کریں گے۔
ارباب رحیم