لاہور (خصوصی رپورٹر) سابق وزیراعلیٰ سندھ اور مسلم لیگ ہم خیال کے مرکزی صدر ارباب غلام رحیم 5سالہ خود ساختہ جلاوطنی ختم کرکے گئے امارات ائرلائن کی پرواز پی کے 622سے دبئی سے لاہور پہنچ گئے۔ ائرپورٹ پر ان کا استقبال پارٹی رہنماﺅں حامد ناصر چٹھہ، سلیم سیف اللہ خان، ہمایوں اختر خان، میاں عطا مانیکا، میاں محمد آصف، ارباب ذکاءاللہ، پیر مکرم زہری، ریاض خان، چودھری ناصر محمود، شیخ رضوان سمیت ملک بھر بالخصوص سندھ سے آئے کارکنوں کی بڑی تعداد نے کیا۔ کارکنوں نے مسلم لیگ کے جھنڈے اٹھا رکھے تھے اور ارباب رحیم کے حق میں زبردست نعرے بازی کر رہے تھے۔ وہ لاہور میں اپنے ایک دوست کے گھر قیام پذیر ہیں۔ انہوں نے میڈیا سے بات چیت کرتے ہوئے کہاکہ پاکستان کو تباہی کے کنارے پہنچانے والے غداروں اور سرداروں کا عام انتخابات میں محاسبہ کیا جائے گا۔ مسلم لیگی اور انکی ساتھی جماعتیں عام انتخابات میں زرداری پارٹی کو سندھ سمیت ملک بھر میں شکست فاش دینگی۔ارباب رحیم نے میڈیا سے بات چیت کرتے ہوئے مزید کہا کہ وطن واپسی پر اللہ کا شکر ادا کرتا ہوں، انہوں نے کہا کہ آج میری وزیر اعلیٰ شہباز شریف سے ملاقات ہو گی