ورلڈ کرکٹ لیگ چیمپئن شپ، کینیڈا اور کینیا کے درمیان دوسرا ون ڈے آج کھیلا جائےگا
دبئی (اے پی پی) آئی سی سی ورلڈ کرکٹ لیگ چیمپئن شپ میں کینیڈا اور کینیا کے درمیان دوسرا ون ڈے میچ (آج) بدھ کو آئی سی سی گلوبل کرکٹ اکیڈمی، دبئی میں کھیلا جائے گا۔ کینیڈا کی ٹیم رضوان چیمہ کی قیادت میں میدان میں اترے گی جبکہ کینیا کی کپتانی کے فرائض کولنز اوبوئیا انجام دیں گے۔ اس سے قبل کھیلے گئے پہلے ون ڈے میچ میں کینیا نے 6 وکٹوں سے کامیابی حاصل کی۔ دونوں ٹیموں کے درمیان دو ٹی 20 میچوں کی سیریز کا پہلا میچ 15 مارچ جبکہ دوسرا 16 مارچ کو کھیلا جائے گا۔
