لاہور (سٹی رپورٹر) محکمہ موسمیات نے 24 گھنٹوں کے دوران ملک کے بالائی اور وسطی علاقوں میں اکثر مقامات پر بادل چھائے رہیں گے جبکہ اسلام آباد، راولپنڈی، گوجرانوالہ، لاہور، سرگودھا اور فیصل آباد ڈویژن میں کہیں کہیں گرج چمک کے ساتھ بارش کا امکان ہے۔ گذشتہ 24 گھنٹوں کے دوران ملک کے مختلف حصوں میں ہونے والے بارشوں کے سلسلہ سے تیزی سے بڑھتی ہوئی گرمی میں عارضی بنیادوں پر کمی واقع ہو گئی ہے۔ بدھ کے روز سب سے زیادہ بارش خضدار میں 42 ملی میٹر ریکارڈ کی گئی جبکہ رسالپور 33، دیر میں 31، کالام، مالم جبہ 20، سیدو شریف، نور پور تھل 17، مظفر آباد 16، ڈی آئی خان، لوئر دیر 15، پٹن 14، میانوالی 13، بھکر 11، مری 10، ایبٹ آباد، گڑھی دوپٹہ 8، جوہر آباد، پشاور، چترال 8، دروش 7 اور پارا چنار میں 6 ملی میٹر بارش ہوئی۔