اسلامیہ کالج انٹر کالجیٹ باکسنگ چیمپئن شپ کا مشترکہ فاتح، 40 سالہ حکمرانی کے خاتمہ کی تردید
لاہور (سپورٹس رپورٹر) گورنمنٹ اسلامیہ کالج نے انٹرکالجیٹ باکسنگ چیمپئن شپ کے فائنل میں شکست کے حوالے سے خبر کی تردید کی ہے کہ پنجاب کالج نے اسلامیہ کالج کی 40 سالہ حکمرانی کو ختم کر دیا ہے۔ انٹرکالجیٹ باکسنگ چیمپئن شپ کے فائنل میں اسلامیہ کالج اور پنجاب کالج کی ٹیموں کو 33,33 پوائنٹس کے ساتھ مشترکہ چیمپئن قرار دیا گیا تھا۔ انٹر بورڈ نے بھی اس بات کی تصدیق کی ہے کہ باکسنگ چیمپئن شپ میں دونوں کالجز کو مشترکہ فاتح قرار دیا گیا تھا۔
