لاس اینجلس(این این آئی) آسکر ایوارڈ یافتہ ہالی وڈ اداکارہ انجلینا جولی نے کہا ہے کہ وہ آئندہ برس ریلیز ہونے والی تھرلر فلم میلیفیشنٹ میں ٹائٹل رول میں جلوہ گرہونگی۔ایک انٹرویو میں اداکارہ انجلینا جولی نے کہا کہ نئی فلم کا گزشتہ برس لندن سے آغاز کیا گیا تو مجھے اس موقع پر بہت خوشی ہوئی۔انھوں نے کہا کہ فلم کی کہانی میرے کردار کے گرد گھومتی ہے اسے یادگار بنانے کےلئے اپنی پیشہ ورانہ صلاحیتوں کا بھرپور مظاہرہ کیا ۔انھوں نے کہا کہ فلم کے ریلیز ہونے پر ہی شائقین اس حوالے سے فیصلہ کریں گے تاہم اپنے کام کو خوبی اور سلیقے سے کیا ۔37سالہ اداکارہ نے بتایا کہ اداکارہ ہوں اور آئندہ بھی یہی کام کرنا چاہوں گی۔ براڈ پٹ بھی یہی چاہتے ہیں انھوں نے کہا کہ اداکاری سے محبت کا یہ عالم ہے کہ میرے بچے بھی اب اداکار ہی بننا پسند کرتے ہیں ۔