لاہور( کلچرل رپورٹر) اداکارہ سونو لعل نے کہا ہے کہ پشتو فلموں میں بیحد مصروف ہوں ‘ گلوکاری کا بیحد شوق ہے اور جیسے ہی فرصت کے لمحات میسر آئینگے اس طرف بھی توجہ دوں گی ۔ پشتو سرکٹ میں پیش کی جانےوالی فلمیں کامیابی سے ہمکنار ہو رہی ہیں جسکی وجہ سے ہماری انڈسٹری کا نام زندہ ہے ۔ پشتو فلموںمیں کہانی پر توجہ دی جاتی ہے اسی لئے نئی فلمیں شائقین کی توجہ حاصل کر لیتی ہیں۔ انہوں نے کہا کہ آج کل متعدد پشتو فلموں میں کام کر رہی ہوں لیکن جب بھی اچھی اردو اور پنجابی فلموں میں کام ملے گا تو ضرور اداکاری کروں گی۔