پی ٹی وی کلاسیکی موسیقی پروگراموں کی ریکارڈنگ 19,18 اپریل کو ہو گی
لاہور (کلچرل رپورٹر) پی ٹی وی لاہور کے نئے کلاسیکی موسیقی کے شو ”فردوش گوش“ کے دو پروگراموں کی ریکارڈنگ 18 اور 19 اپریل کو سٹوڈیو اے میں ہو گی۔ پہلے پروگرام میں راگ درباری کے مختلف آئٹم پیش کئے جائیں گے جس میں استاد فتح علی خان حیدرآبادی، غلام عباس، فریحہ پرویز، فہیم مظہر اور دیگر گلوکار فن کا مظاہرہ کریں گے۔ دوسرے پروگراموں میں راگ بھیروی پیش کیا جائیگا جس میں استاد حسین بخش گلو، حمیرا چنا اور دیگر پرفارم کریں گے۔ معروف کلاسیکل رقاصہ نگہت صدیقی ان دونوں پروگراموں میں فن کا مظاہرہ کریں گی۔ اس شو کے پروڈیوسر محسن جعفر ہیں۔
