لاہور (سپورٹس رپورٹر) آل پاکستان بیڈمنٹن ٹورنامنٹ پنجاب کی ٹیم نے جیت لیا۔ فائنل میچ میں پنجاب کی ٹیم نے علی ایکسپورٹ کو تین دو سے مات دی۔ فائنل میچ کے پہلے سنگلز مقابلے میں پنجاب کے عرفان سعید نے رضوان اعظم کو 23-12، 21-14 اور 21-16 سے مات دی۔ ڈبلز میں علی ایکسپورٹ کے کاشف سلہری اور طاہر اسحاق پر مشتمل جوڑی نے کامیابی حاصل کر کے مقابلہ ایک ایک سے برابر کر دیا۔ دوسرے سنگل مقابلے میں پنجاب کے عامر سعید نے طاہر اسحاق کو مات دی۔ دوسرے ڈبلز مقابلے میں علی ایکسپورٹ کے رضوان اعظم اور کاشف مجید نے سبحان جمیل اور عدنان عزیز کے خلاف کامیابی حاصل کی۔ تیسرے سنگلز مقابلے پنجاب کے سبحان جمیل نے حریف کھلاڑیوں کے خلاف کامیابی حاصل کر کے ٹورنامنٹ کا ٹائٹل جیت لیا۔ ٹورنامنٹ کی اختتامی تقریب کے مہمان خصوصی پنجاب بیڈمنٹن ایسوسی ایشن کے صدر شیراز عبداﷲ روکڑی تھے جنہوں نے کامیاب ٹیموں میں انعامات تقسیم کیے۔