لاہور (سپورٹس رپورٹر) دوسری آئی سی اے پی گالف چیمپیئن شپ 2013ءاختتام پذیر ہو گئی۔ گراس میں سردار مراد جبکہ نیٹ کیٹگری میں محتشم آفتاب نے کامیابی حاصل کر لی ہے۔ رائل پام گالف کلب کورس میں منعقد ہونے والے ایک روزہ چیمپیئن شپ میں 132 گالفرز نے حصہ لیا۔ گراس میں سردار مراد نے 76 سکور کے ساتھ پہلی پوزیشن حاصل کی حسین حامد دوسرے جبکہ شعیب بخاری نے تیسری پوزیشن حاصل کی۔ نیٹ کیٹگری میں محتشم آفتاب پہلے، حامد شریف دوسرے اور شاہد عباس تیسرے نمبر پر رہے۔ چارٹرڈ اکاونٹس کیٹگری میں شہزاد حسین نے گراس جبکہ نیٹ میں انجم عطا نے پہلی پوزیشن حاصل کی۔ اختتامی تقریب کے مہمان خصوصی شیخ رمضان تھے جنہوں نے کامیاب گالفرز میں انعامات تقسیم کیے۔ اس موقع پر لیفٹیننٹ جنرل (ر) محمد طارق، نعیم شیخ، پرویز قریشی، افتخار تاج میاںسمیت بڑی تعداد موجود تھی۔