لاہور(سپورٹس رپورٹر) سیالکوٹ سٹالینز، لاہور لائنز، کراچی زیبراز اور کراچی ڈولفنز کی ٹیموں نے قومی ون ڈے ٹورنامنٹ کے سیمی فائنل کے لیے کوالیفائی کر لیا ہے۔ آخری لیگ میچز سیالکوٹ سٹالینز نے حیدر آباد ہاکس کو 8 وکٹوں سے ہرایا۔ حیدر آباد کی ٹیم نے 244 رنز بنا سکی۔ کاشف بھٹی نے ناقابل شکست 53 رنز بنائے۔ بلاول بھٹی نے چار کھلاڑیوں کو آوٹ کیا۔ 245 رنز کا ہدف سیالکوٹ سٹالینز کی ٹیم نے منصور امجد کی ناقابل شکست سنچری کی بدولت 2 وکٹوں پورا کر لیا۔ مختار احمد نے 91 اور شاہد یوسف نے 45 (ناٹ آوٹ) رنز بنائے۔ کراچی ڈولفنز نے ملتان ٹائیگرز کو 5 وکٹوں سے مات دی۔ اس میچ میں ملتان کی ٹیم نے پہلے کھیلتے ہوئے شعیب مقصود کی سنچری کی بدولت 7 وکٹوں پر 346 رنز بنائے۔ ذیشان اشرف نے 72 رنز کے ساتھ دوسرے نمایاں بلے باز رہے۔ کراچی کی ٹیم نے ہدف 5 وکٹوں پورا کر لیا شاہ زیب حسن (135) اور سعید بن ناصر (114) کی سنچریاں شامل تھیں۔ راولپنڈی ریمز نے پشاور پینتھرز کے خلاف 165 رنز سے کامیابی حاصل کی۔ راولپنڈی کی ٹیم نے 316 رنز بنائے۔ عمر وحید نے 96 اور جمال انور نے 41 نمایاں رنز بنائے۔ پشاور کی ٹیم 151 پر ڈھیر ہو گئی۔ فیصل آباد ولفز نے اسلام آباد لیپرڈز کو 2 وکٹوں سے مات دی۔ اسلام آباد کی ٹیم نے 159 رنز بنائے۔ بابر اعظم نے 49 اور عمیر خان نے 39 رنز بنائے۔ فیصل آباد کی ٹیم نے ہدف 8 وکٹوں پورا کر لیا۔