اذلان شاہ ہاکی کپ قومی ٹیم آج وطن واپس پہنچے گی
لاہور (سپورٹس رپورٹر) اذلان شاہ کپ ہاکی ٹورنامنٹ میں ناقص ترین کارکردگی کے بعد پاکستان ٹیم آج رات وطن واپس پہنچے گی۔ چھ ملکی ٹورنامنٹ میں پاکستان ٹیم نے آخری پوزیشن حاصل کی۔ پاکستان ٹیم نے پہلا میچ نیوزی لینڈ کے خلاف چار تین سے جیتا تھا جس کے بعد کامیابی اس کا مقدر نہ بن سکی۔ میزبان ملائیشیا اور کوریا کی ٹیموں کے خلاف میچز برابر رہے جبکہ آسٹریلیا اور بھارت کے ہاتھوں قومی ٹیم کو شکست کا سامنا کرنا پڑا۔
