سرینگر (کے پی آئی) مقبوضہ کشمیر میں افضل گورو اور لبریشن فرنٹ کے بانی محمد مقبول بٹ شہید کی میت کی واپسی کیلئے طلبہ و طالبات نے احتجاجی مظاہرے کئے جبکہ کشمیر یونیورسٹی سمیت دیگر تعلیمی اداروں کے طلبہ رات بھر سرینگر سمیت دیگر شہروں کی دیواروں پر بھارت کیخلاف اور آزادی کے حق میں نعرے تحریر کرتے رہے جبکہ بھارتی پولیس دن کو ایسی تمام وال چاکنگ مٹانے میں مصروف رہی۔ مقبوضہ کشمیر کے شہروں سرینگر، صورہ، بابہ ڈیمب سمیت دیگر کئی علاقوں میں متحدہ مجلس مشاورت کی اپیل پر طلبہ و طالبات نے احتجاجی مظاہرے کئے اور بھارت کیخلاف نعرے لگائے۔