لاہور (اپنے نمائندے سے+ نامہ نگاران) لاہور اور گرد و نواح میں ڈاکوﺅں نے مزاحمت پر فائرنگ کر کے 3 افراد کو قتل کر دیا جبکہ متعدد وارداتوں میں لاکھوں روپے کی نقدی اور اشیاءلوٹ لیں۔ تفصیلات کے مطابق ریلوے سٹیشن کے قریب ڈاکوﺅں نے راولپنڈی کینال پارک کے رہائشی اور ایک بچے کے باپ 40 سالہ شہزاد احمد کو مزاحمت پر گولیاں مار کر ہلاک کر دیا اور اس سے لیپ ٹاپ، ہزاروں روپے نقدی اور دیگر سامان چھین لیا۔ پولیس نے اسکے رشتہ داروں کو اطلاع کر دی۔ دریں اثناءخانقاہ ڈوگراں میں لاہور سرگودھا روڈ پر ڈیرہ سردار اظہار کے قریب 5 ڈاکوﺅں نے ٹرک نہ روکنے پر فائرنگ کر کے ڈرائیور غلام شبیر کو قتل کر دیا۔ مقتول 2 بچوں کا باپ، گھر کا واحد کفیل اور پتھر ٹرک میں لوڈ کر کے لاہور لیجا رہا تھا۔ ادھر اوکاڑہ میں بائی پاس پر موٹر سائیل سوار 2 ڈاکوﺅں نے رکی ہوئی کار پر ہلہ بول کر مزاحمت پر خانیوال کے رہائشی محمد سلیم جمیل کو اسکی بیوی کے سامنے گولیوں سے چھلنی کر دیا اور خاتون سے 2 لاکھ روپے اور زیورات چھین کر فرار ہو گئے۔ خاتون شوہر کی اچانک موت پر سکتے میں آ گئی جبکہ سلیم کے بچے باپ کی میت پر دھاڑیں مار مار کر روتے رہے۔ دریں اثناءصوبائی دارالحکومت میں شاد باغ کے علاقے میں ڈاکوﺅںنے حاجی منیر سے ہزاروں روپے کی نقدی اور موبائل فون چھین کر مزاحمت پر گولی مار کر زخمی کر دیا ، شفیق آباد میں ڈاکوﺅںنے نوید سے 25 ہزار روپے چھین لئے اور مزاحمت پر گولی مار کر زخمی کر دیا گیا۔ دونوں زخمیوںکو ہسپتال میں داخل کر ادیا گیا، ستوکتلہ میں ڈاکوﺅں نے عمران کے گھر سے 10لاکھ روپے، مصطفی ٹاﺅن میں نظام کے گھر سے 7لاکھ روپے، ستوکتلہ میں شکیل کے گھر سے 6 لاکھ، مانگا منڈی میں سردار احمد کے گھر سے 4لاکھ روپے، جوہر ٹاﺅن میں محمد احمد کی کار سوار فیملی سے 5لاکھ روپے مالیت کے طلائی زیورات وموبائل فون، شاد باغ میں عبدالرزاق سے موٹر سائیکل، 24 ہزار روپے اور موبائل فون، گڑھی شاہو میں ندیم سے 2لاکھ روپے اور دو موبائل فون، ریس کورس میں راحت علی سے ڈیڑھ لاکھ روپے اور دو موبائل فون، فیصل ٹاﺅن میں جہانگیر سے ایک لاکھ روپے اورموبائل فون، شمالی چھاﺅنی میں ڈاکوﺅںنے ڈاکٹر عظمی سے 80ہزار روپے اور موبائل فون، ٹاﺅن شپ میں نعمان سے 50ہزار روپے اور موبائل فون، پرانی انارکلی میں سرفراز سے 45ہزار روپے اور موبائل فون، لٹن روڈ میں منیب سے 26 ہزار روپے اورموبائل فون چھین لیا، ستوکتلہ میں جاوید، نصیر آباد میں اقبال ٹاﺅن میں مجاہد، سبزہ زار میںکاشف کی گاڑیاں جبکہ نولکھا میں جواد، سرور روڈ میں دلاور، داتا دربار میں زاہد، نواں کوٹ میںہمایوں، وحدت کالونی میں عظیم، سندر میں عرفان اور مصری شاہ میں نثار کی موٹر سائیکلیں چوری ہو گئیں۔
ڈاکو/ قتل