انڈر 16 ہاکی ٹیم کا تربیتی کیمپ لاہور میں شروع
لاہور(سپورٹس رپورٹر) انڈر 16ایشیا کپ ہاکی ٹورنامنٹ کی تیاریوں کے لئے قومی انڈر 16ہاکی ٹیم کا تر بیتی کیمپ نیشنل ہاکی سٹیڈیم میں شروع ہو گیا ، جس میںکھلاڑیوں نے دو سیشنز میں ٹریننگ کی ،صبح کے سیشن میں کھلاڑیوں نے فزیکل ٹریننگ کی جبکہ شام کے سیشن میں کھلاڑیوں کو ڈرلز کروائی گئیں ۔چیف کوچ طاہر زمان کی نگرانی میں کھلاڑیوں کو فائیو سائیڈ ہاکی کے مطابق ٹریننگ کروائی گئی ،کیمپ کے آخری مر حلے میں 16کھلاڑیوں کو شامل کیا گیا ۔انڈر 16ایشیا کپ ہاکی ٹورنامنٹ تین سے سات اپریل تک سنگا پور میں کھیلا جائے گا ۔
