اسلام آباد (اے پی پی) سابق وزیراعظم سید یوسف رضا گیلانی نے کہا ہے پاکستان پیپلزپارٹی آئندہ عام انتخابات میں بھاری اکثریت سے کامیابی حاصل کرے گی۔ ان کے دور حکومت میں بلاامتیازعوام کی بنیادی ضروریات زندگی پوری کرنے کی بھرپور کوشش کی گئی۔ خصوصی بات چیت کرتے ہوئے انہوں نے کہا قائد عوام ذوالفقار علی بھٹو نے عوام کو عزت نفس‘ شناخت اور ووٹ کاحق دیا جبکہ معاشرے کے پسے ہوئے طبقہ کی حوصلہ افزائی کی۔ 1973 کے آئین کی اپنی اصل شکل میں بحالی پاکستان پیپلزپارٹی کی بڑی کامیابی ہے۔ انہوں نے کہا پاکستان پیپلزپارٹی عوام کو طاقت کا سرچشمہ سمجھتی ہے۔