سپیشل بچوں کے مقابلے کل سے قذافی سٹیڈیم میں شروع ہونگے
لاہور (سپورٹس رپورٹر) سپیشل بچوں کے ادارے سعدیہ کیمپس کے زیراہتمام دو روزہ اتھلیٹکس مقابلے کل سے پنجاب میں شروع ہوں گے۔ ادارے کے سربراہ سید عامر اکبر شاہ کے مطابق ایونٹ میں پنجاب بھر سے سپیشل بچوں کے اداروں کو شرکت کی دعوت دی گئی تاکہ خصوصی بچے بھی کھیلوں میں اپنی صلاحیتوں کا مظاہرہ کر سکیں۔ انہوں نے کہا کہ سعدیہ کیمپس کے بچوں کی عالمی سطح کامیابیاں ہماری محنت کا منہ بولتا ثبوت ہیں۔ انہوں نے کہاکہ خصوصی بچوں کیلئے اتھلیٹکس کے بعد کرکٹ اور فٹبال کے ٹورنامنٹس بھی منعقد کئے جائیں گے۔
