میامی (اے پی پی) نوویک جوکووچ، ڈیوڈ فیرر، جائلز سیمون اور ٹومی ہاس میامی اوپن ٹینس ٹورنامنٹ کے چوتھے راﺅنڈ میں پہنچ گئے جبکہ جیمز بلیک تیسرے راﺅنڈ میں ہار کر ایونٹ سے باہر ہوگئے۔ امریکہ میں جاری ایونٹ میں کھیلے گئے تیسرے راﺅنڈ میں سربیا کے نامور ٹینس سٹار اور عالمی نمبر ایک نوویک جوکووچ نے شاندار کاکردگی کا مظاہرہ کرتے ہوئے بھارتی ثمدیو دیومان کو سٹریٹ سیٹس میں 6-2 اور 6-4 سے ہرا کر ایونٹ کے چوتھے راﺅنڈ کےلئے کوالیفائی کرلیا۔ سپین کے ڈیوڈ فیرر نے اٹلی کے فابیو فوجنینی کو 6-1 اور 7-5 سے ہرا دیا۔ فرانس کے جائلز سیمون نے سلوانیہ کے گریگا زیملجا کو 6-4 اور 6-4 سے مات دی۔ جرمنی کے ٹومی ہاس نے یوکرائن کے الیگزینڈر ڈولگو پولو کو 6-3 اور 6-2 سے ہرا کر ٹورنامنٹ کے چوتھے راﺅنڈ کیلئے کوالیفائی کرلیا۔ ایک اور میچ میں ہسپانوی البرٹ راموس نے امریکہ کے جیمز بلیک کو 6-4،2-6اور 7-5 سے ہرا دیا۔