یوم پاکستان کے سلسلے میں ویمن ہاکی میچ ،فاطمہ جناح الیون نے جیت لیا
لاہور (سپورٹس رپورٹر) یوم پاکستان کے سلسلہ میں کھیلا جانے والا نمائشی ویمن ہاکی فاطمہ جناح الیون کی ٹیم نے جیت لیا۔ نیشنل ہاکی سٹیڈیم لاہور کی گراونڈ نمبر دو میں یوم پاکستان کے سلسلہ میں فاطمہ جناح الیون اور بیگم رانا لیاقت علی خان الیون ویمن ہاکی ٹیموں کے درمیان میچ کھیلا گیا جس میں فاطمہ جناح الیون نے تین ایک سے کامیابی حاصل کی۔ فاتح ٹیم کی جانب سے عاصمہ اشرف، آمنہ اور نمرا نے ایک ایک گول سکور کیا جبکہ بیگم رانا لیاقت خان ویمن ٹیم کی جانب سے آمنہ میر نے واحد گول کیا۔
