لاہور (سپورٹس رپورٹر) جنوبی افریقہ کیخلاف سیریز میں شکست کے بعد قومی کرکٹ ٹیم کے کھلاڑی لاہور پہنچ گئے۔ قومی کرکٹ ٹیم کے کپتان مصباح الحق نے لاہور ائرپورٹ پر میڈیا سے گفتگو کرتے ہوئے کہا کہ حالیہ سیریز میں قومی ٹیم کی کارکردگی خراب رہی، ٹیم میں بہت بہتری کی گنجائش ہے۔ انہوںنے کہا کہ سیریز میں جنوبی افریقن با¶لنگ کے سامنے ہماری بیٹنگ لائن مشکلات کا شکار رہی جبکہ جنوبی افریقہ نے با¶لنگ اور بیٹنگ میں بہتر کارکردگی کا مظاہرہ کرتے ہوئے سیریز کو اپنے نام کیا۔ سیریز میں ہار کی وجہ ٹیم میں اختلافات نہیں، ہم نے غیر ذمے دارانہ شاٹ کھیلے اور فائنل ہاتھ سے گنوا دیا۔ مصباح الحق نے کہا کہ پچ بھی بیٹنگ کیلئے سازگارنہیں تھی۔ قومی کرکٹ ٹیم کے کپتان مصباح الحق نے کہا کہ محمد حفیظ اچھے کھلاڑی ہیں ہمارے درمیان کوئی تنازعہ نہیں ہے۔