میامی (اے پی پی) سرینا ولیمز، ماریاشیراپوا، اگنیسکا راڈوانسکا اور لی نا میامی ماسٹرز اوپن ٹینس ٹورنامنٹ کے کوارٹرفائنل میں پہنچ گئیں جبکہ اینا آئیوانوچ اور کلارا ذاکو پالوا چوتھے راﺅنڈ میں ہار کر ایونٹ سے باہر ہوگئیں۔ امریکہ میں جاری ڈبلیو ٹی اے ایونٹ میں کھیلے گئے چوتھے راﺅنڈ میں میزبان ٹاپ سیڈ سرینا ولیمز نے سلواکیہ کی ڈومنیکا کیبلکوا کو 2-6،6-4 اور 6-2 سے ہرا کر‘روس کی ماریا شیراپوا نے جمہوریہ چیک کی کلارا ذاکو پالوا کو6-2اور 6-2 سے ہرا کر‘پولینڈ کی اگنیسکا راڈوانسکا نے امریکہ کی سلونی سٹیفنز کو 4-6،6-2 اور 6-0 سے ہرا دیا۔ چین کی لی نا نے ہسپانوی گاربین موگورازا کو 7-6(8-6) اور 6-4 ‘ اٹلی کی سارہ ایرانی نے سربیا کی اینا آئیوانوچ کو 1-6، 6-4 اور 6-2 سے ہرا کر ٹاپ ایٹ تک رسائی حاصل کی۔ سربیا کی جیلینا جانکوچ نے رومانیہ کی سورانا کریسٹیا کو6-0 اور 6-4 سے شکست دی۔ اینڈی مرے، جوویلفرائیڈ تسونگا، نیکولس الماگرو اور رچرڈ گیسکٹ میامی اوپن ٹینس ٹورنامنٹ کے چوتھے راﺅنڈ میں پہنچ گئے جبکہ ثام قیوری، جان اسنر اور میخائل یوزخنی تیسرے راﺅنڈ میں ہار کر ایونٹ سے باہر ہوگئے۔